पुणे: इयत्ता आठवीतील विद्यार्थ्यांसाठीच्या राष्ट्रीय आर्थिक दुर्बल घटक विद्यार्थी (एनएमएमएस) शिष्यवृत्ती परीक्षेस मुदतवाढ देण्यात आली आहे. आता विद्यार्थ्यांना रविवार (ता.१) पर्यंत अर्ज करता येणार आहे. महाराष्ट्र राज्य परीक्षा परिषदेच्या आयुक्त शैलजा दराडे यांनी परिपत्रकाद्वारे ही माहिती दिली आहे.

राज्यातील आर्थिक दुर्बल घटकातील प्रज्ञावान विद्यार्थ्यांना प्रोत्साहन देण्यासाठी ही शिष्यवृत्ती योजना राबविण्यात येते. ज्या पालकांचे उत्पन्न दीड लाखापेक्षा कमी आहे. अशा विद्यार्थ्यांना ही शिष्यवृत्ती गुणवत्तेच्या आधारे वितरित करण्यात येते. विद्यार्थ्यांची बौद्धिक क्षमता चाचणी आणि शालेय क्षमता चाचणी घेतल्यानंतर ही निवड घोषित करण्यात येते. मराठी, हिंदी, इंग्रजी, हिंदी, गुजराथी, उर्दू, सिंधी, कन्नड आणि तेलगू या माध्यमांतून विद्यार्थ्यांना परीक्षा देता येईल. परीक्षा उत्तीर्ण झालेल्या विद्यार्थ्यांना बारावी पर्यंत एक हजार रुपयांची शिष्यवृत्ती मिळते.

महत्त्वाच्या तारखा

• - ऑनलाइन आवेदनपत्र भरण्याची अंतिम मुदत : १ मे

• - विलंबासहीत : ६ मे

• - परीक्षा : १९ जून

संकेतस्थळ : https://www.mscepune.in/