मंचर -"कोरोना 'चा प्रादुर्भाव रोखण्यासाठी आंबेगाव व शिरूर तालुक्यातील अनेक गावांनी स्वतःहून पुढाकार घेऊन रस्त्यावर दगड व झाडाच्या फांद्या टाकून रस्ते बंद केले आहेत. पुणे- मुंबईच्या नागरिकांनी आपल्या गावात येऊ नये, असा संदेश पोचविण्याचे काम गावकरी करत आहेत. गावांनी लागू केलेल्या या गावबंदीचे स्वागत होत आहे.
बातम्या ऐकण्यासाठी डाऊनलोड करा ई-सकाळचे ऍप
श्री क्षेत्र भीमाशंकरकडे जाणाऱ्या तळेघर, म्हतारबाचीवाडी, कोंडवळ येथे गावात प्रवेश करणाऱ्या रस्त्यावर झाडाच्या फांद्या व दगड लावले आहेत. मेघुली, जांभोरी, कुशिरे, कोंढरे, बोरघर, आहुपे येथील ग्रामस्थांनी रस्त्यावर झाडांच्या फांद्या आडव्या टाकल्या आहेत. त्यावर "प्रवेश बंद' असा मजकूर लिहिला आहे; तर आसाणे येथील मेनुंबरवाडीत रस्त्यावर दगड टाकून "प्रवेश बंद' असे लिहिले आहे.
राज्य सरकारने कलम 144 प्रमाणे जमावबंदी व संचारबंदी लागू केली आहे. मंचर व घोडेगाव पोलिस वाहनावरील सायरन वाजवत जनजागृती करत आहेत. पण, काही मंडळी प्रशासनाच्या आदेशाकडे दुर्लक्ष करत आहेत. त्यामुळे गावकऱ्यांनी आता गावबंदीचे पाऊल उचलले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.