जालना : कोरोनाच्या नवा व्हेरिएंट ओमिक्रॉनच्या (Omicron) वाढत्या धोक्यामुळे जगभरातील अनेक देशात पुन्हा एकदा निर्बंध लावण्यास सुरूवात झाली आहे. त्यात राज्याचे आरोग्य मंत्री राजेश टोपे (Rajesh Tope) यांनी राज्यात लॉकडाऊन (Lockdown) लागणार नसल्याचे स्पष्ट केले आहे. त्यांच्या या विधानामुळे थोड्याफार प्रमाणात का होईना नागरिकांना दिलासा मिळाला आहे. ते ज्यालन्यात बोलत होते. केंद्र सरकारच्या गाईडलाईननुसार देशातील इतर राज्यातून महाराष्ट्रात (Maharashtra) विमानाने येणाऱ्या प्रवाशांना दोन डोस (Vaccination) घेतलेले असताना RTPCR चाचणी बंधनकारक असणार नाहीये. मात्र, धोकादायक असणाऱ्या देशांतून आलेल्यांना RTPCR चाचणी बंधनकारक असणारआहे. तसेच त्यांना ७ दिवस क्वारंटाईन राहणे बंधंनकारक असणार आहे.

गेल्या काही दिवसांपासून राज्यातील कोरोना (Corona) रूग्णांच्या संख्येत सातत्याने घट पाहण्यास मिथ होती. त्या पार्श्वभूमीवर राज्यातील पहिली ते सातवीपर्यंतच्या शाळा आजपासून सुरू करण्याचा निर्णय घेण्यात आला होता. मात्र, ओमिक्रॉनचा धोका लक्षात घेता राज्यातील पहिली ते सातवीपर्यंतच्या शाळा (School reopening) आता १५ डिसेंबरपासून सुरू करण्याचा निर्णय घेण्यात आला आहे. दरम्यान, राज्यात धोका असलेल्या देशांतून येणाऱ्या नागरिकांची कोरोना चाचणी करण्यात येणार असून त्यात जर कुणाची कोरोना चाचणी पॉझिटिव्ह आल्यास त्यांचे विलगीकरण करण्यात येणार आहे.

राज्यात पहिल्या डोसच लसीकरण 82 टक्के झालं असून दुसऱ्या डोसच 44 टक्के लसीकरण झालं आहे. साडेसात कोटी लोकांना लसीचा पहिला डोस दिला असून साडेचार कोटी लोकांना दुसरा डोस दिला देण्यात आला अशी माहिती राजेश टोपे यांनी यावेळी दिली. राज्यात लसीकरण वेगाने सुरु असून टारगेट पूर्ण होत नाही तोपर्यंत लसीकरण सुरूच राहील असंही ते म्हणाले. सद्या राज्यात लॉकडाऊन लावण्यासारख कोणतंही कारण नाही. त्यामुळे राज्यात लॉकडाऊन लावला जाणार नाही असंही टोपे यांनी यावेळी स्पष्ट केले आहे.