मुंबई - उद्धव बाळासाहेब ठाकरे शिवसेना पक्षाचे प्रमुख उध्दव ठाकरे यांची आज बुलडाणा जिल्ह्यातील चिखली येथे जाहीर सभा आयोजित करण्यात आली. यावेळी उद्धव ठाकरे यांनी एकनाथ शिंदे यांच्यासह बंडखोर आमदार आणि भाजपवर कडाडून टीका केली. तसेच रेडे गेलेत गुवाहाटीला असं म्हणत उद्धव यांनी शिंदे गटाला हिणवलं. तसेच लाव रे ती ऑडिओ क्लीपप्रमाणे भाजपवर हल्लाबोल केला. Uddhav Thackeray news in Marathi)

उद्धव ठाकरे यांनी तत्कालीन विरोधीपक्ष देवेंद्र फडणवीस यांची जुनी ऑडियो क्लीप लावून फडणवीसांचं जुनं भाषण जाहीर सभेत ऐकवलं. त्यामध्ये देवेंद्र फडणवीस म्हणत होते की, मध्यप्रदेश सरकारने साडेसहा हजार कोटींची तरतूद करून शेतकऱ्यांचे वीजबील माफ केलं होतं. या सरकारने देखील मध्यप्रदेश पॅटर्न राबवायला हवा, असंही फडणवीस म्हणताना ऐकायला येत होते. त्यावर उद्धव ठाकरे म्हणाले की, देवेंद्रजी जनाची नाही तर मनाची लाज बाळगा.

हे ही वाचा: मुदत ठेवीच्या मुद्दलातून टीडीएस कपात? इथे करा तक्रार....

यावेळी उद्धव ठाकरे यांनी जाहीर सभेत शेतकऱ्यांची वीजबिल माफी करून दाखवा, असं आव्हान फडणवीसांना दिलं. याआधी मनसे प्रमुख राज ठाकरे देखील लाव रे तो व्हिडीओ म्हणत भाजपवर हल्लाबोल करायचे.

उद्धव यांनी यावेळी खोक्यांवरून शिंदे सरकारवर आणि बुलडाणा जिल्ह्यातील बंखोरांवर टीका केली. विदर्भातील खासदार बाईंनी पंतप्रधान नरेंद्र मोदींना राखी बांधली. आता ईडी, सीबीआयची हिंमत आहे का आता चौकशी करायची, असा प्रश्न उपस्थित करत उद्धव यांनी भावना गवळी यांच्यावर टीका केली.