पुणे - दक्षिण आफ्रिकेत कोरोनाचा नव्याने आढळलेला ओमिक्रॉन व्हेरिएंटने (Omicron variant) आता जगभरासह भारतातदेखील (Omicron cases in India) आपले हातपाय पसरण्यास सुरुवात केली आहे. सध्या राज्यातील ओमायक्रोन बाधितांची संख्येने शंभरी पार केली आहे. राज्यात आज नव्या २० रुग्णांची नोंद झाली आहे. आजच्या आकडेवारीनुसार मुंबईत ११, पुण्यात ६, साताऱ्यात २ आणि नगरमध्ये एका नव्या रुग्णाची भर पडली आहे. त्यामुळे आता राज्यातील एकूण रुग्णांची संख्या १०८ वर पोहचली आहे. दरम्यान, १०८ रुग्णांपैकी ५४ रुग्णांना डिस्चार्ज देण्यात आला आहे.

भारतातील ओमिक्रॉन बाधितांची संख्या

भारतातील ओमिक्रॉन (Omicron) विषाणूचा संसर्ग होणाऱ्या रूग्णांची आकडेवारीत सातत्याने वाढ असून यामध्ये महाराष्ट्र - 88, लदाख - 01, जम्मू-काश्मीर - 03, राजस्थान - 22, गुजरात - 30, कर्नाटक - 31, केरळ - 27, तामिळनाडू - 34, आंध्र प्रदेश - 02, तेलंगणा - 38, ओडिशा - 04, पश्चिम बंगाल - 03, उत्तर प्रदेश - 02, दिल्ली - 67, हरियाणा - 04, चंदीगड - 01, उत्तराखंडमध्ये 01 रूग्णाची नोंद करण्यात आली आहे. (India Omicron State wise cases number )