मुंबई: कोरोनाचा प्रसार रोखण्यासाठी राज्यात दोन महिन्यांपासून जास्त कालावधीकरता लॉकडाऊन आहे. या बाबतच्या नियमाचा भंग केल्यामुळे राज्यात एक लाखपेक्षा लोकांवर कारवाई करुन त्यांच्याकडून जवळपास सात कोटी दंड वसूल झाला.  

बापरे! मुंबईतील झोपड्या-चाळींमध्ये आहेत तब्बल 'इतके' कोरोना रुग्ण; आकडा बघून तुम्हालाही बसेल धक्का...

महाराष्ट्रात 188 कलमाखाली एकंदर 1 लाख 24 हजार 369 लोकांवर कारवाई करण्यात आली आहे. 22 मार्चपासून यासंदर्भात झालेल्या कारवाईत 80 हजार 890 वहाने जप्त करण्यात आली. त्याचबरोबर एकंदर 6 कोटी 86 लाख 47 हजार 691 रुपयांचा दंड वसूल केल्याचे वृत्त आहे. याच कालावधीत पोलिसांवर हल्ला केल्याबद्दल 846 जणांविरुद्ध गुन्हा नोंदवण्यात आला आहे. 

लॉकडाऊन सुरु झाल्यापासून विलगीकरणाचे नियम 722 जणांनी मोडले असल्याचे पोलिसांची आकडेवारी सांगते. त्याचबरोबर पोलिसांना लक्ष्य केल्याच्या 263 घटना घडल्या. त्यात एकंदर 86 जणांना दुखापत झाली. तर पोलिस नियंत्रण कक्षास कोरोनाबाबतचे एकंदर 1 लाख 1 हजार 97 कॉल आले होते. 

मुंबई आणि परिसरातील बातम्या वाचण्यासाठी येथे क्लिक करा 

अवैध वाहूतक केल्याबद्दल 1 हजार 332 प्रकरणे नोंदवण्यात आली. त्याबद्दल 23 हजार 986 जणांना ताब्यात घेण्यात आले. आरोग्य कर्मचाऱ्यांवर एकंदर 47 हल्ले झाले आहेत.  
राज्य सरकारने लॉकडाऊन 30 जूनपर्यंत वाढवला आहे, पण त्याचवेळी अनेक सवलती दिल्या आहेत.