Dasara Melava:  भाजपचे दिवंगत नेते गोपीनाथ मुंडे यांनी बीड येथील भगवान भक्ती गडावर दसरा मेळाव्याची परंपरा सुरू केली होती. यानंतर त्यांची कन्या आणि आता भाजपच्या राष्ट्रीय सरचिटणीस पंकजा मुंडे यांनीही ही परंपरा पुढे चालू ठेवत भगवान भक्ती गडावर दसरा मेळाव्याचे आयोजन करण्यास सुरुवात केली. दसऱ्याच्या भाषणात पंकजा मुंडे अनेकदा भावनिक आवाहन करताना दिसतात. दरम्यान पंकजा मुंडे बोलण्यापूर्वी खासदार प्रीतम मुंडे यांनी सभेला संबोधित केले.

प्रीतम मुंडे म्हणाल्या, गोपीनाथ मुंडे भगवान गडावरुन घरी यायचे तेव्हा आम्ही त्यांचे औक्षण करत असे. ते आम्हाला सोन्याची काही वस्तू भेट देत असत. मात्र आज घरी गेल्यावर मुंडे साहेब नसतील.

प्रीतम मुंडे म्हणाल्या, गोपीनाथ मुंडे यांनी आम्हाला दिलेली लाखो सोन्याची माणसं ही आमची मोठी संपत्ती आहे. आम्ही लाखोंचा जनसागर कमावला आहे. गेली १० वर्ष पंकजा मुंडे संघर्ष करत आहेत.

भगवान बाबांनी दिलेला स्वाभिमान मुंडेसाहेबांनी आपल्याला कुठं गहान ठेऊ दिला नाही. आजकाल बघितलं तर राजकारणात स्वत:च्या वाढदिवसाचे बॅनर देखील स्वत:च्या पैशाने लावावे लागतात. मात्र पंकजाताईंच्या कारखान्यावर कारवाई झाली तेव्हा लोकवर्गणीतून मोठी वर्गणी गोळा करण्यात आली, असे प्रीतम मुंडे म्हणाल्या.  (Latest Marathi News)