चिपळूणच्या परशुराम घाटात पावसामुळे दरड कोसळली. दरड कोसळल्यामुळे गाड्यांच्या लांब रांगा लागल्या आहेत. दरम्यान, वाहतुक पर्यायी मार्गाने वळवण्यात आली आहे. (Parshuram Ghat Landslide)

मिळालेल्या माहितीनुसार, दरड कोसळल्याने परशुराम घाट वाहतुकीसाठी बंद करण्यात आला आहे. घाटातील वाहतुक पर्यायी मार्गाने वळवण्यात आली आहे. लोटे-चिरणी-कळंबेस्ते-चिपळूण मार्गाने वाहतुक वळवण्यात आला आहे.

गेल्या काही दिवसांपासून या घाटचं रुंदीकरण सुरु आहे. हा घाट ठरावीक दिवशी हा घाट बंद ठेवण्यात येतो. दरम्यान, काल रात्री पावसामुळे सर्व माती रस्त्यावर आली आहे. त्यामुळे सर्व अवजड वाहनं फसली आहे. जेसीबीच्या साहय्याने युद्धपातळीवर माती हटवण्याचे काम सुरु आहे.

मुंबई-गोवामहामार्गाचे चौपदरीकरण सुरू असून या चौपदरीकरण अंतर्गत परशुराम घाटात डोंगर कटाई व सपाटीकरणाचे काम सुरू आहे. पावसाळ्यापूर्वी परशुराम घाटातील काम मार्गी लावण्यासाठी प्रयत्न केले जात आहेत. त्यासाठी यंत्रणा वाढविण्यात आली असून अहोरात्र काम सुरु ठेवले आहे.