मालेगाव येथील रुग्णालयात (Malegaon Hospital) काल (मंगळवार) रात्रीच्या सुमारास एका रुग्णाच्या 15 ते 20 नातेवाईकांनी धिंगाणा घातलाय. यावेळी त्यांनी रुग्णालयाच्या सुरक्षा रक्षकालाही धक्काबुक्की केली आहे. तसेच रुग्णालयातील खुर्च्या, कुंड्यांचीही तोडफोड केल्याचं समजतंय.

काल रात्रीच्या सुमारास हे नातेवाईक रुग्णाला भेटण्यासाठी आले होते. यावेळी रुग्णालयातील कर्मचाऱ्यांनी (Hospital Staff) त्यांना जास्त वेळ आयसीयू जवळ थांबू नका, असं सांगितलं. परंतु, याच क्षुल्लक कारणावरुन नातेवाईकांनी रुग्णालयात गोंधळ घातला. या घटनेची माहिती मिळताच पोलिसांनी रुग्णालयात धाव घेतली.

दरम्यान, गोंधळ घालणाऱ्या तीन ते चार जणांविरोधात गुन्हा दाखल केला असून त्यांना पोलिसांनी (Malegaon Police) ताब्यात घेतल्याचं समजतंय. सध्या रुग्णालय परिसरात तणावपूर्ण वातावरण असल्याचं पहायला मिळतेय. या घटनेचा अधिक तपास पोलिस करत आहेत.