पुणे - राष्ट्रवादी काँग्रेसचे अध्यक्ष शरद पवार यांच्यावरची पीएच. डी. दहा जन्मांतही शक्य नसल्याचे सांगत राज्याचे सामाजिक न्यायमंत्री धनंजय मुंडे यांनी भारतीय जनता पक्षाचे प्रदेशाध्यक्ष चंद्रकांत पाटील यांचा समाचार घेतला. पवार यांना समजून घेण्याचे पाटील यांचे काम नाही, असा टोलाही मुंडे यांना लगावला.
राजकारणातील डावपेचांवरून पवार यांच्यावर पीएच. डी. करणार असल्याचे पाटील यांनी त्यांची भाजपच्या प्रदेशाध्यक्षपदी निवड होताच सांगितले. पाटील यांच्या या नव्या अजेंड्याची चर्चाही राजकीय वर्तुळात रंगली होती. या पार्श्वभूमीवर पुण्यात डॉ. बाबासाहेब आंबेडकर संशोधन व प्रशिक्षण संस्थेत (बार्टी) आलेल्या मुंडे यांनी प्रसारमाध्यमांच्या प्रतिनिधींशी संवाद साधला.
मुंडे म्हणाले, ‘‘एल्गार परिषदेबाबत सत्याच्या बाजूने तपास होईल. महापोर्टल रद्द होणार आहे. मात्र, पर्यायी यंत्रणा उभी करावी लागणार आहे.’’
अमरावतीत ‘व्हॅलेंटाइन डे’निमित्त प्रेमविवाह न करण्याबाबत घेतलेल्या शपथेची चौकशी करणार आहोत, असे मुंडे यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.