मुंबईः एसईबीसी आरक्षणाशिवाय पोलिस भरतीचा जीआर अवघ्या तीन दिवसांत गृहविभागानं मागे घेतला आहे. एसईबीसीच्या विद्यार्थ्यांना ईडब्लूयएसचा लाभ मिळावा म्हणून गृहविभाग नवीन जीआर शुद्धीपत्रक काढणार आहे. ४ जानेवारीच्या जीआरमध्ये एसईबीसीच्या विद्यार्थ्यांना भरतीत खुल्या प्रवर्गातून भरती व्हावं असा उल्लेख करण्यात आला होता. त्यामुळे ४ जानेवारीचा जीआर रद्दा केल्याची घोषणा गृहमंत्री अनिल देशमुख यांनी केली आहे. 

राज्यात पोलिस भरती 2019 करीता एसईबीसी (SEBC) च्या ज्या उमेदवारांनी आपले अर्ज दाखल केले आहे, त्यांना मोठा दिलासा देण्यात आला आहे. गृह विभागाने  4 जानेवारी 2021 ला निर्गमित केलेला सरकारनं निर्णय रद्द करण्यात येत आहे, अशी माहिती गृहमंत्री अनिल देशमुख यांनी दिली.

हेही वाचा- राज्य सरकारला चांगलाच दिलासा, उपसभापती नीलम गोऱ्हे यांची नियुक्ती कायम

पोलिस शिपाई भरती 2019 करीता ज्या एसईबीसी (SEBC) उमेदवारांनी अर्ज केले होते, त्यांना शासनाच्या सामान्य प्रशासन विभागाकडील कडील 23 डिसेंबर 2020 च्या सरकार निर्णयाचा लाभ देण्याच्या दृष्टीकोनातून सुधारित सरकार निर्णय गृह विभागाकडून लवकरच निर्गमित करण्यात येणार आहे, असेही त्यांनी म्हटले.

मुंबई विभागातील ताज्या बातम्या वाचण्यासाठी येथे क्लिक करा.

बुधवारीच राज्यातील पोलिस भरती प्रक्रिया पार पाडण्यासाठी SEBC आरक्षण न ठेवण्याचा निर्णय राज्याच्या गृह विभागाकडून घेण्यात आला होता. पोलिस भरतीदरम्यान जे उमेदवार खुल्या प्रवर्गातील अटी आणि शर्तींची पूर्तता करतात, त्यांचा खुल्या प्रवर्गातून विचार करावा. SEBC तून अर्ज केलेल्या पोलिस भरतीतील उमेदवारांची पात्रता ठरविताना खुल्या प्रवर्गाची वयोमर्यादा लागू केली जाणार, असा निर्णय घेऊन त्याबाबतचा GR देखील जारी करण्यात आला होता.

Police recruitment 2019 GR canceled Anil deshmukh SEBC reservation