हिंगोली : ‘पारंपरिक शिक्षण पद्धतीसोबतच आगामी काळात ‘व्हर्च्युअल क्लासरूम' ची (Virtual classroom) संकल्पना पुढे आणली जाणार आहे. त्यानुसार उच्च व तंत्रशिक्षण विभागातर्फे राज्यातील पाच विद्यापीठांत दूरस्थ केंद्रे सुरू केली जाणार आहेत. ‘व्हर्च्युअल क्लासरूम’च्या माध्यमातून तज्ज्ञ प्राचार्य, प्राध्यापकांचे विद्यार्थ्यांना मार्गदर्शन मिळेल, अशी माहिती उच्च व तंत्रशिक्षणमंत्री उदय सामंत (uday samant) यांनी गुरुवारी येथे पत्रकार परिषदेत दिली. (post professors will appointed soon uday samant)

पारंपरिक शिक्षण पद्धतीवरच विश्वास आहेच. कोरोनामुळे ऑनलाइनचा पर्याय समोर आला. त्यामुळे पारंपरिक शिक्षणासोबतच व्हर्च्युअल क्लासरूमची संकल्पना पुढे आणली जाणार आहे. पुणे, मुंबई, औरंगाबाद, गोंडवाना, नागपूर येथील विद्यापीठांत दूरस्थ केंद्रे सुरू केले जाणार आहे, असे सावंत म्हणाले.

प्राध्यापकांच्या जागा भरणार

राज्यात प्राध्यापकांच्या चार हजार ६०० जागा भरण्याचा प्रस्ताव होता. त्यापैकी कोरोनापूर्वी एक हजार ६०० जागा भरल्या आहेत. त्यानंतर तीन हजार ७४ प्राध्यापकांच्या जागा भरण्यासाठीचा प्रस्ताव अर्थ विभागाकडे पाठविला आहे. कोरोनामुळे त्यावर निर्णय झाला नाही. कोरोना लाट कमी झाल्यानंतर या जागा भरल्या जातील, असे सामंत यांनी सांगितले.