औरंगाबादः औरंगाबाद विभाग शिक्षक मतदारसंघासाठी राष्ट्रवादी काँग्रेस पक्षाकडून विक्रम काळे यांना उमेदवारी देण्यात आलेली आहे. काही वेळापूर्वी राष्ट्रवादीच्या अधिकृत ट्विटर हँडलवरुन ही माहिती देण्यात आली.
राष्ट्रवादी काँग्रेस पक्षाने ट्विट करुन सांगितलं की, औरंगाबाद विभाग शिक्षक मतदारसंघासाठी विक्रम काळे यांना राष्ट्रवादी काँग्रेस पक्षातर्फे उमेदवारी देण्यात आली आहे. या निवडणुकीसाठी काळे यांचा अधिकृतरित्या उमेदवारी अर्ज दाखल करण्यात आला आहे.
सोबत जोडलेल्या प्रसिद्धीपत्रकात म्हटलं की, राज्यामध्ये सध्या विधान परिषद शिक्षक व पदवीधर मतदारसंघातील निवडणुका जाहीर झालेल्या आहेत. राष्ट्रवादीने औरंगाबाद विभागासाठी विक्रम काळे यांना पक्षाकडून एए आणि बीबी फॉर्म दिलेला आहे.
मात्र प्रदीप सोळुंके यांनी विक्रम काळे यांच्याविरोधात उमेदवारी अर्ज दाखल केल्यामुळे आणि त्यांना सांगूनही अर्ज मागे न घेतल्याने त्यांची पक्षातून हकालपट्टी करण्यात आलेली आहे. तसं प्रसिद्धीपत्रक राष्ट्रवादी काँग्रेस पक्षाने काढलं आहे.
मागील अनेक वर्षांपासून प्रदीप सोळुंके राष्ट्रवादी काँग्रेससोबत पक्षसंघटनेमध्ये काम करत आहेत. त्यांनी वक्तृत्वाच्या जोरावर पक्षामध्ये वेगळं स्थान निर्माण केलं होतं. परंतु शिक्षक मतदारसंघाच्या उमेदवारीवरुन पक्षाने त्यांच्यावर कारवाई केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.