शिवसेना आमदार अपात्रतेचा निर्णय काय लागणार याकडे सर्वांचे लक्ष लागले आहे. येत्या दोन दिवसात याप्रकरणी विधानसभा अध्यक्ष राहुल नार्वेकर हे निकाल सुणावणार आहेत. यादरम्यान वंचित बहुजन आघाडीचे नेते प्रकाश आंबेडकर यानी आमदार अपात्रता सुनावणीबद्दल मोठं विधान केलं आहे. आमदार अपात्रतेच्या मुद्द्यावर सुप्रीम कोर्ट स्पीकरला ताब्यात घेऊ पाहत आहे. म्हणून नार्वेकर यांनी सांगितलं पाहिजे की मी निर्णय देणार नाही जेव्हा द्यायचा तेव्हा मी देईल असे आंबेडकर म्हणाले.
विधानसभा अध्यक्ष राहुल नार्वेकर हे स्पीकर म्हणून सर्वोच्च न्यायालयाच्या खाली नाहीत, कायद्याचे राज्य चाललं पाहिजे हे बरोबर आहे. राहुल नार्वेकर निर्णय देत नाहीत हे चुकीचं आहे, हे मी मान्य करतो. पण राहुल नार्वेकर स्पीकर म्हणून सर्वोच्च न्यायालायाच्या खाली नाहीत. तेव्हा सर्वोच्च न्यायालय जे स्पीकरला स्वतः ताब्यात घ्यायला बघतंय तेव्हा स्पीकर म्हणून राहुल नार्वेकर यांनी सांगितलं पाहिजे, मी निर्णय देणार नाही, मला जेव्हा द्यायचं आहे तेव्हा देईल असे प्रकाश आंबेडकर म्हणाले आहेत.
निकाल कधी लागणार?
शिवसेना आमदार अपात्रता प्रकरणाचा निकाल बुधवारी दुपारी ४ नंतर लागणार लागणार असल्याची माहिती सूत्रांकडून मिळाली आहे. विधीमंडळात निकालातील शाब्दिक त्रूटी दूर करण्याचे काम सध्या सुरु आहे. बुधवारी निकालातील ठळक मुद्दे फक्त वाचले जाणार आहेत. तसेच सविस्तर निकालाची प्रत नंतर दोन्ही गटांना दिली जाणार असल्याचीही माहिती आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.