ओबीसी आरक्षण प्रकरणी आज सुप्रीम कोर्टात सुनावणी आहे. त्यातच स्थानिक स्वराज्य संस्थेच्या निवडणुकीच्या पार्श्वभूमीवर वंचित बहुजन आघाडीचे नेते प्रकाश आंबेडकर (Prakash Ambedkar) यांनी पत्रकार परिषद घेतली. राष्ट्रीय जनता दल (RJD), मुस्लीम लीगसोबत (Muslim League) आघाडी केल्याची घोषणा त्यांनी केली.

"अनेक पक्ष आहेत जे आमच्यासोबत येऊ इच्छित आहेत. जानेवारी महिन्याच्या १५ तारखेपर्यंत जागावाटप निश्चित होईल. प्रचाराला उद्यापासून सुरु होणार आहे. मुंबई महानगर पालिकेच्या निवडणुका आहे. आरक्षणाचा निर्णय येईल. निवडणूका पुढे ढकलण्याचा अधिकार संविधानात नाही. जे काही उच्च न्यायालय आणि सुप्रीम कोर्ट करतंय. जिल्हा परिषदा, पंचायत समित्यांचा कार्यकाळ संपण्याआधी या सगळ्या नविन सभागृहे आली पाहिजेत. ज्याचं कुणाला राज्य होतं त्याला फक्त पाच वर्षे सत्ता हाती ठेवता येते. त्यानंतर कोणताही अधिकार राहत नाही" असं प्रकाश आंबेडकर म्हणाले.

तसेच युद्ध किंवा आणीबाणी झाली तरी निवडणुका पुढे ढकलता येत नाही. जे लोकसभेच्या संदर्भात निर्णय सुप्रीम कोर्टाने घेतला आहे. एकदा निव़डणूक जाहीर झाली की त्यात आमही कोणत्याही प्रकारे हस्तक्षेप करू शकत नाही असंही त्यांनी सांगितलं आहे.