पुणे: काही दिवसांपूर्वी इन्कम टॅक्सने (income tax) राज्याचे उपमुख्यमंत्री अजित पवारांशी (ajit pawar) संबंधित जरंडेश्वर साखर कारखाना तसेच निकटवर्तीयांच्या मालमत्तांवर छापेमारीची (income tax raid) कारवाई केली होती. त्या कारवाईनंतर आज पुन्हा एकदा ईडीने उपमुख्यमंत्री अजित पवार यांच्या निकटवर्तीयांच्या घरी छापा मारला आहे.

पुणे शहरातील अजित पवार यांचे निकटवर्तीय जगदीश कदम यांच्या घरी छाप्याची कारवाई सुरू आहे. जगदीश कदम हे दौंड शुगरचे संचालक आहेत. पुण्यात ही कारवाई सुरू आहे.

अजित पवार यांचा मुलगा पार्थ पवार याच्या नरिमन पॉईंट येथील कार्यालयावरही आयकर विभागाने छापा मारला होता. अजित पवार आणि त्यांच्या 3 बहिणीच्या कारखान्यांवर छापेमारीची कारवाई करण्यात आली होती. त्या कारवाईबद्दल अजित पवार यांनी नाराजी व्यक्त केली होती.