उत्तरेतून येणाऱ्या थंड वाऱ्यांमुळे महाराष्ट्र शुक्रवारी गारठला. नाशिक हे देशातील सहावे; तर पुणे सतरावे थंड शहर म्हणून नोंदले गेले. मध्य महाराष्ट्रात येत्या शनिवारी (ता. १८) थंडीच्या लाटेचा इशारा हवामान खात्याने दिला असून, त्यानंतर थंडीचा कडाका अंशतः कमी होईल, असा अंदाज हवामान खात्याने वर्तविला आहे. राज्यात सर्वांत कमी किमान तापमान नाशिक येथे ६ अंश सेल्सिअस नोंदले गेले.
ताज्या बातम्यांसाठी डाऊनलोड करा ई-सकाळचे ऍप
मध्य महाराष्ट्रात गेल्या चोवीस तासांपासून थंडीचा लाट पसरली आहे. पुढील चोवीस तास थंडी कायम राहील, असा इशारा हवामान खात्याने दिला. त्यामुळे मध्य महाराष्ट्रातील पुणे, नाशिक, मालेगावसह सातारा, सांगली, कोल्हापूर, जळगाव गारठलेले असेल. येत्या रविवारनंतर (ता. १९) किमान तापमानाचा पारा अंशतः वाढणार असल्याने थंडीचा कडाका कमी होईल, असेही हवामान तज्ज्ञांनी सांगितले.
राज्यातील ही शहरे गारठली
राज्यात सर्वांत कमी किमान तापमान नाशिक येथे ६ अंश सेल्सिअस नोंदले गेले. सरासरीपेक्षा ३.८ अंश सेल्सिअसने हे तापमान कमी झाल्याची माहिती हवामान खात्यातर्फे देण्यात आली. त्या खालोखाल जळगाव येथे ७; तर नाशिक जिल्ह्यातील मालेगाव येथे ८.२ अंश सेल्सिअसची नोंद झाली. औरंगाबाद येथेही किमान तापमान ८.१ अंश सेल्सिअस झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.