पुणेः भाटघर धरणाच्या बॅक वॉटरमध्ये दोन पर्यटक बुडाल्याची प्राथमिक माहिती मिळाली आहे. घटनेची माहिती मिळताच भोर पोलीस ठाण्याचे कर्मचारी घटनास्थळी दाखल झाले होते.

भाटघर धरण खोऱ्यात जयतपार गाव आहे. येथेच एक सीमा फार्म हाऊस आहे. तेथे चार कुटुंब सुट्टीसाठी आज आले होते.

दुपारच्या दरम्यान हे पर्यटक धरणामध्ये उतल्याची माहिती आहे. तेव्हाच ऐश्वर्या शिरीष धर्माधिकारी ही तेरा वर्षीय मुलगी आणि तिचे वडील शिरीष मनोहर धर्माधिकारी हे पाण्यात बुडाले.

गावकऱ्यांच्या मदतीने सध्या शोधकार्य सुरु आहे. तेरा वर्षीय ऐश्वर्याचा मृतदेह सापडला असून शिरीष धर्माधिकारी यांचा शोध गावकरी घेत आहे. घटनास्थळी पोलीस हजर आहेत.