पेण : तालुक्यातील गडब येथे बुधवारी (ता. १३) मध्यरात्री मुंबईच्या उत्पादन शुल्क विभागाने (Excise Department) गोवा बनावटी दारू (texture liquor)) व ट्रकसह ८२ लाख ६२ हजार ५०० रुपयांचा मुद्देमाल जप्त केला. या कारवाईत तिघांना अटक (culprit arrested) करण्यात आली. मुंबई-गोवा महामार्गावरून (Mumbai-goa highway) ट्रकने अवैधरीत्या दारूची वाहतूक (illegal liquor supply) होत असल्याची माहिती मुंबई राज्य उत्पादन शुल्क विभागाच्या पथकाला मिळाली. त्यानुसार पथकाने महामार्गावरील गडब येथे सापळा रचला.

या वेळी ट्रकची तपासणी केली असता गोवा बनावटी दारूचा साठा जप्त केला. याप्रकरणी ट्रकचालक मोहम्मद असिफ (वय २३), क्लिनर पवनकुमार माहतो (२१), जयेश भावसार (२३) यांना अटक केली. उत्पादन शुल्क विभागाच्या पथकातील निरीक्षक संताजी लाड, मनोज चव्हाण, अशोक तारू, पी. एस. कांबळे, अमोल चिलगर, धनाजी दळवी, सुभाष रणखांब, अविनाश जाधव, प्रवीण धवणे या पथकाने कारवाई केली.