तामिळनाडुत (Tamil Nadu) सीडीएस बिपिन रावत (Bipin Rawat) यांच्या हेलिकॉप्टरला अपघात झाला आहे. या अपघातात बिपिन रावत हे गंभीर जखमी झाले आहेत. त्यांच्यावर रुग्णालयात उपचार सुरु आहेत. दरम्यान, या अपघाताच्या पार्श्वभूमीवर महाराष्ट्रात (Maharashtra) राजभवानवरील कार्यक्रम रद्द कऱण्यात आला आहे. राजभवनातील दरबार हॉलचे उद्घाटन राष्ट्रपती रामनाथ कोविंद (Presi यांच्या हस्ते होणार होते. मात्र हा कार्यक्रम स्थगित करण्यात येत असल्याची माहिती राज्यपाल भगतसिंह कोश्यारी (Governer Bhagat singh Koshyari) यांनी दिली आहे.

राजभवनात नव्यानं दरबार हॉल तयार करण्यात आला आहे. त्याचं व्हर्च्युअल पद्धतीनं उद्घाटन राष्ट्रपतींच्या हस्ते होणार होते. मात्र, तामिळनाडुत हेलिकॉप्टर दुर्घटना घडल्यानंतर राजभवानतील कार्यक्रम रद्द करण्यात आला आहे. याची माहिती कार्यक्रम स्थळी येऊन राज्यपालांनी उपस्थित मान्यवरांना दिली. राष्ट्रपती रामनाथ कोविंद यांचेही सर्व नियोजित कार्यक्रम रद्द झाले असून ते दिल्लीला रवाना झाले आहेत.

दरबार हॉलच्या उद्घाटन समारंभासाठी अनेक मान्यवर आले होते. यामध्ये राज्यपालांसह उपमुख्यमंत्री अजित पवार, मुंबईच्या महापौर किशोरी पेडणेकर, निलम गोऱ्हे, मंगलप्रभात लोढा हेसुद्धा उपस्थित होते. राज्याचे पोलिस महासंचालक संजय पांडे आणि मुंबईचे पोलिस आयुक्त हेमंत नगराळे हे याठिकाणी होते. कार्यक्रम रद्द केल्यानंतर सर्व उपस्थित हॉलमधून निघून गेले.