Raj Thackeray: मनसे अध्यक्ष राज ठाकरे हे दोन दिवशीय पुणे दौऱ्यावर आहेत. काल त्यांनी पुण्याच्या शिवाजीनगर भागात मनसेच्या जनसंपर्क कार्यालयाचे उद्घाटन केले. आणि आज एका व्याख्यानमाला कार्यक्रमात बोलत होते त्यावेळी त्यांनी पुण्याच्या अनेक विषयांवर भाष्य केलं.

तर मुंबई, पुणे या महाराष्ट्रातील दोन शहरांची तुलना करताना महाराष्ट्र राज ठाकरे म्हणाले मुंबई बरबाद व्हायला वेळ लागला पण पुणं बरबाद व्हायला वेळ लागणार नाही, असा गंभीर इशारा राज ठाकरे यांनी दिला आहे.

पुण्यात आयोजित सहजीवन व्याख्यानमालेत ते बोलत होते. तर पुढे त्यांनी राज्यातील राजकारणावर भाष्या केलं ते म्हणाले, "विधानसभेतील चर्चा ऐकू नये असं वाटतं. राज्यातील महत्त्वाच्या मुद्दांवर चर्चा न करता कोणतेही मुद्दे उपस्थित केले जातात.

राज्याचा विचार करणार आहोत की नाही, ठराविक विषयांवर एकमत होत नाही. सामान्य माणसाला लागणाऱ्या पाणी, शिक्षण, पायाभूत सुविधा याबद्दल चर्चा होत नाही. तर त्यांनी तरूणांला राजकारणात येणाचा सल्ला दिला.

ते म्हणाले हाथ जोडून विनंती आहे की तुम्ही राजकारणात यायला पाहिजे. राजकारणात यायला वारसा लागतो हे खोटं आहे, एखाद्याचा मुलगा, मुलगी आणू शकता राजकारणात पण त्यांना लादू शकत नाही, ज्याला वारसा नाही ते राजकारणात यशस्वी झाले आहेत.

घरात बसून राहू नका, महाराष्ट्राच्या हिताची नाही. असं म्हणत राज ठाकरे यांनी आपलं मत व्यक्त केलं.