तृतीयपंथी (ट्रान्सजेंडर) नाकरिकांच्या हक्कांसाठी समाजात वेगवेगळ्या पातळीवर काम सुरु आहे, तृतीयपंथीयांकडे समाजात नेहमीच वेगळ्या नजरेने पाहिले जाते. मात्र आता राज्य सरकार ट्रान्सजेंडर (Transgender) नाकरिकांना चांगल्या आरोग्यसाठी प्रयत्न करताना दिसत आहे. त्याचाच भाग म्हणून ट्रान्सजेंडर नाकरिकांच्या समस्यांबाबत चर्चा करण्यासाठी आज मंत्रालयात एक महत्वाची बैठकी घेण्यात आली. या बैठकीत राज्याचे आरोग्य मंत्री राजेश टोपे (Rajesh Tope) यांनी महत्वाची सूचना केली आहे.

टोपे यांनी ट्विट करत यासंबंधीची माहिती दिली आहे. त्यांनी ट्रान्सजेंडर नागरिकांबद्दलच्या आरोग्यच्या प्रश्नांवर आज एक बैठक घेतली. तसेच या बैठकीतली चर्चेनंतर त्यांनी ट्रान्सजेण्डर नागरिक हे आपल्या समाजाचाच एक भाग आहेत आणि त्यांना सन्मानपूर्वक जीवन जगता आले पाहिजे, असे माझे मत असल्याची भावना व्यक्त केली आहे. तसेच ट्रान्सजेंडर नागरिकांच्या आरोग्य विषयक समस्यांबाबत चर्चा करण्यासाठी मंत्रालयात झालेल्या बैठकीत ट्रान्सजेंडर नागरिकांच्या आरोग्य समस्या या बाबत सविस्तर चर्चा झाल्याचे त्यांनी सांगितले.

तसेच टोपे यांनी ट्रान्सजेंडर नागरिकांना लिंग बदल शस्त्रक्रिया, लेसर आणि संप्रेरक उपचार एकाच हे सर्व ठिकाणी उपलब्ध व्हावे त्यासाठी कृती आराखडा तयार करावा, अशा सूचना देखील दिल्याचे त्यांनी सांगितले आहे