राज्यात बाजार समिती निवडणुका लागल्या आहेत. अनेक ठिकानी मविआमध्ये फूट पडल्याचे पाहिला मिळत आहे. तर राष्ट्रवादीने भाजपसोबत युती केल्याचे देखील पाहिला मिळत आहे. यातच भाजपने राष्ट्रवादीला मोठा झटका दिला आहे, आमदार राम शिंदे हे बाजार समितीच्या निवडणुकीत रोहित पवारांना चितपट करण्यात यशस्वी झाले आहेत.
आमदार राम शिंदे यांनी थेट राष्ट्रवादीच्या तालुकाध्यक्षालाच भाजपमध्ये घेत मोठा डाव टाकलाय. त्यामुळे रोहित पवारांच्या वर्चस्वाला धक्का बसण्याची चिन्ह दिसत आहेत.
आमदार राम शिंदे यांनी राष्ट्रवादी काँग्रेसचे तालुका अध्यक्ष काकासाहेब तापकिर यांना आपल्या पॅनेलकडून उमेदवारी दिली आहे. ही उमेदवारी देऊन शिंदे यांनी कर्जत-जामखेडच्या राजकाराणत भूकंप घडविल्याने चांगलीच खळबळ उडाली आहे.
कर्जत बाजार समिती निवडणुकीसाठी आमदार राम शिंदे यांच्या नेतृत्वाखाली कर्जत तालुका स्वाभिमानी शेतकरी विकास पॅनलची स्थापना केली आहे. या पॅनेलच्या उमेदवारांची शिंदे यांनी नावे जाहिर केली आहेत.
राष्ट्रवादी काँग्रेसचे कर्जत तालुकाध्यक्ष काकासाहेब तापकिर यांना उमेदवारी दिली आहे. शिंदे यांनी काकासाहेब तापकिर यांना सोसायटी मतदारसंघ (सर्वसाधारण) या जागेसाठी उमेदवारी दिली आहे. मात्र तापकिर यांच्या या धक्क्यानंतर त्यांची पक्षातून हकलपट्टी करण्यात आली आहे.
सोबतच शिवसेना ठाकरे गटाचे बळीराम यादव यांना देखील भाजपचे आमदार राम शिंदे यांच्या नेतृत्वाखालील पॅनलमध्ये प्रवेश केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.