राज ठाकरे यांनी इतरांचे भोंगे उतराण्याकडे लक्ष दिलं नाही पाहिजे, त्यांना जिथे लावायचे आहेत तिथे त्यांनी लावावे. काही नेते पिढ्यानंपिढया पासून भोंग्यांवर बोलत आहेत. बाळासाहेब यांची भूमिका कट्टर होती पण भोंगे उतरवा असं ते बोल न्हवते. जसा उंच असतो ढोंगा, बरा नाही भोंगा अशी कविता करत केंद्रीय राज्यमंत्री रामदास आठवले (Ramdas Athawale) यांनी महाराष्ट्र नवनिर्माण सेनेचे अध्यक्ष राज ठाकरे (Raj Thackeray यांच्यावर टीका केली आहे.

राज ठाकरे यांच्या वक्तव्यावर बोलताना ते म्हणाले, राज ठाकरे यांच्या भोंग्याच्या प्रस्तावला आमचा विरोध आहे. भाजपमध्ये मनसेला येण्याची गरज नाही. त्यांच्या सभेत जितकी गर्दी होते तीच गर्दी निवडणुकीत कुठे जाते? असा सवालही त्यांनी उपस्थित केला आहे.

राष्ट्रवादी काँग्रेसचे अध्यक्ष शरद पवार (Sharad Pawar) हे जातीयवादी असल्याचा आरोप राज ठाकरे यांनी केला होता. यावर प्रतिक्रिया देताना आठवले म्हणाले, शरद पवार हे जातीयवादी नेते नाहीत. त्यांनी कधीही जातीयवादी राजकारण केले नाही. पवार हे धर्मनिरपेक्ष असल्याचे सांगत आठवले यांनी त्यांची पाठराखण केली आहे.