हनुमान चालिसा पठण प्रकरणी राज्यात शिवसेना आणि राणा दाम्पत्य एकमेकांसमोर आले आहेत. मातोश्रीसमोर हनुमान चालिसा पठण करणार असा निर्धार राणा पती-पत्नी यांनी व्यक्त केला आहे. तर यावरून शिवसैनिक आक्रमक झाले असून मोठ्या संखेने शिवसैनिक राणा यांच्या खार येथील घराच्या खाली जमले आहेत.

दरम्यान मुंबई पोलिसांनी रवी राणा आणि नवनीत राणा यांना रोखलं यानंतर राणा यांनी, संपुर्ण महाराष्ट्राला सुख शांती, उन्नतीसाठी हनुमान चालिसा वाचणासाठी थांबवण्याचा प्रयत्न करत आहेत. मुख्यमंत्री अधिकारांचा गैरवापर करत आहेत, हे बाळासाहेबांच्या विचाराचे शिवसैनिक नाहीयेत, असते तर आम्हाला हनुमान चालिसा वाचू दिला असता, असे रवी राणा म्हणाले आहेत.

गुंडागर्दी हल्ला करण्याचा प्रतत्न करत आहे, मुख्यमंत्री सांगत आहेत रवी राणा यांच्या घरावर हल्ला करा, तर महाराष्ट्र अस्तव्यस्त होत आहे, यातून महाराष्ट्राची परंपरा खड्ड्यात टाकण्याचा प्रयत्न होतोय. कायदा सुव्यवस्था बिघडवण्याचा प्रयत्न खुद्दा राज्याचे मुख्यमंत्री उध्दव ठाकरे करत आहेत असा आरोप त्यांनी केला. शिवसैनिक घरात घुसून आम्हाला धमकावण्याचा प्रयत्न करत आहेत, हे महाराष्ट्राचे दुर्भाग्य असल्याचे त्यांनी सांगितले. यासोबतच राणा यांनी हनुमानाच्या चरणी यांना सबुध्दी देवो अशी प्रार्थना करतो असेही रवी राणा यावेळी म्हणाले.

खारमधील घरात राणांनी हनुमानाच्या पाया पडून मातोश्रीवर जाणार असल्याचा एल्गार केला आहे. आम्ही या घरातून बाहेर पडणार असून आम्हाला काही झाल्यास त्याची जबाबदारी संपूर्ण मुख्यमंत्र्यांवर असणार आहे, असं रवी राणांनी स्पष्ट केलं आहे. कार्यकर्ते बोलावून आमच्यावर हल्ला करण्याचा हा प्रयत्न आहे. महाराष्ट्राच्या सुखशांतीसाठी आम्ही हे करत आहेत, हनुमान चालिसा पठण करण्यापासून आम्हाला कोणी रोखू शकत नाही असं रवी राणांनी सांगितलंय.