शेतकऱ्यांच्या प्रश्नाबाबत केंद्र आणि राज्य सरकारला जागे करण्यासाठी शनिवारी स्वाभिमानी शेतकरी संघटनेचे संघटक रविकांत तुपकर यांनी आत्मदहन करण्याचे प्रयत्न केला होता. त्यांना पोलिसांनी ताब्यात घेतले असून न्यायालयाने 14 दिवसांची पोलिस कोठडी सुनावली आहे. दरम्यान तुपकर यांनी जेलमध्ये अन्न त्याग आंदोलन सुरु केले आहे. अन्न त्याग आंदोलनाची माहिती तुपकर यांच्या पत्नी अड शर्वरी यांनी दिली. (Ravikant Tupkar buldhana custody mother Gitabai Tupkar swabhimani shetkar sanghatana)

दरम्यान रविकांत तुपकर यांच्यावर कारवाईनंतर त्यांच्या मातोश्री गीताबाई तुपकर यांनी तीव्र भावना व्यक्त केल्या आहेत. माझ्या मुलाने खोके आणले का? असे अनेक संतप्त सवाल उपस्थित केला आहे.

माझ्या मुलाने कुठे डाका टाकला का? तो काय गुंडा आहे का ? का त्याने बँक लुटली त्याच्यावर लाठीचार्ज करायला. त्याचा जन्मच संघर्षासाठी झाला आहे. असे सांगत त्या त्यांनी माझ्या मुलाने खोके आणले का? असा सवालही उपस्थित केला आहे.

पोलीस दबावाखाली काम करत आहे. त्यामुळे आंदोलन चिरडलं गेले. आम्ही पीकवतो तेव्हा सर्व खातो. असही गीताबाई म्हणाल्या.