मुंबई - शहरी नक्षलवादाचा आरोप असलेले प्रा. आनंद तेलतुंबडे यांच्या अटकपूर्व जामीन अर्जावरील सुनावणी उच्च न्यायालयाने १२ मार्चपर्यंत तहकूब केली. त्यामुळे त्यांना तोपर्यंत अटकेपासून दिलासा मिळाला आहे.

पुण्यात ३१ डिसेंबर २०१७ रोजी झालेल्या एल्गार परिषदेच्या आयोजनात नक्षलवाद्यांचा हात असल्याचा आरोप आहे. याप्रकरणी पुणे पोलिसांनी प्रा. तेलतुंबडे यांच्यासह २२ जणांच्या विरोधात गुन्हा नोंदवला आहे. त्यामुळे तेलतुंबडे यांनी अटकपूर्व जामिनासाठी उच्च न्यायालयात अर्ज केला आहे.