मागील अनेक दिवसांपासून वाहतूक कोंडी होत असलेल्या चांदणी चौकातील पूल पाडल्यानंतर रविवारी सकाळी 10 वाजता वाहतूक खुली करण्यात आली. 11 तासांनी चांदणी चौकातून वाहतूक पुढे मार्गस्थ झाली. (road clean Traffic started from Chandni Chowk Bridge pune)

चांदणी चौकातील वाहतूक कोंडी फोडण्यासाठी चांदणी चौकातील एन डी ए रस्ता - बावधन पुल पाडण्याचे नियोजन करण्यात आले होते. 2 ऑक्टोबर रोजी मध्यरात्री एक वाजता पुल पाडण्यात आला. दरम्यान रात्री 1 वाजून 20 मिनिटांनी पुलाचा राडारोडा काढण्यास सुरुवात करण्यात आली.

मात्र राडारोडा कठीण असल्याने रविवारी सकाळी 8 वाजेपर्यंत तो काढणे अद्याप शक्य झाले नव्हते. त्यामुळे प्रशासनाने रविवारी सकाळी 8 वाजता महामार्गावरील वाहतूक सुरू करण्याचे दिलेले आश्वासन अ पूर्ण झाले नव्हते. त्यामुळे अवजड वाहतूकीसह हलक्या वाहना हि मोठा वळसा घालून जावा लागत होता.

दरम्यान, जिल्हाधिकारी डॉ.राजेश देशमुख हे कामाच्या ठिकाणी संपूर्ण रात्र थांबले, कामाच्या ठिकाणी ते आढावा घेत होते. सकाळी 8 वाजता काम पूर्ण होत नसल्याने त्यांनी काही वेळात राडारोडा काढून झाल्यानंतर रस्ता खुला होईल, असे स्पष्ट केले होते. त्यानुसार, कामाला आणखी गती देण्यात आली. काम अतिशय वेगाने पूर्ण करून 10 वाजण्याच्या सुमारास चांदणी चौकातील मुंबईहून सातारा, पुण्याकडे जाणारा रस्ता वाहतुकीसाठी खुला करण्यात आला.

त्यानंतर वाहतुकीची गैरसोय होऊ नये यासाठी साताऱ्याहून येणारी वाहनेही एकच लेन मधून मुंबई चा दिशेने सोडण्यात आली. शनिवारी रात्री 11 वाजल्यापासून ते रविवारी सकाळी 10 पर्यंत बंद असलेला महामार्ग 10.8 वाजता वाहतुकीसाठी खुला करण्यात आला.