सातारा : देशावर कोरोना (Coronavirus) संकट असतानाच चक्रीवादळानं (Cyclone Tauktae) एक नवं संकट नागरिकांसमोर उभं ठाकलं आहे. गुरुवारपासून सुरु झालेल्या कमी दाबाच्या पट्ट्यानं शुक्रवारी चक्रीवादळाचं रुप घेतलं आणि लक्षद्वीप, तामिळनाडू, केरळ, कर्नाटक, महाराष्ट्र, गुजरातच्या किनारपट्टी भागात या चक्रीवादळाचा तडाखा पाहायला मिळाला. खवळलेला समुद्र आणि सोसाट्याच्या वाऱ्यामुळं किनारी भागात मोठं नुकसान झालं, तर बहुतांश भागांमध्ये मुसळधार पावसानं झोडपलं. रविवारी या वादळाचा मोठा फटका गुजरातला देखील बसलाय. मात्र, अद्यापही या वादळाची भीती नागरिकांत कायम आहे. एकीकडे या वादळचं संकट ओढावला असताना, सोशल मीडियावर मात्र या वादळाची खिल्ली उडवली जात आहे, तर राजकीय नेत्यांतही या वादळीची शेरो-शायरीव्दारे खंमग चर्चा सुरु आहे. (Rupali Chakankar Criticism On Amruta Fadanvis Social Media Cyclone Tauktae)
सध्या सोशल मीडियावर अनेकजण या वादळाची खिल्ली उडवताना दिसत आहे, तर काहीजण फेसबुक, ट्विटर, व्हाॅटसअॅप व इतर माध्यमांव्दारे संदेशपर आवाहन करताहेत. यातच आता सोशल मीडिया वापरकर्त्यांनी पावसाळी कवी बनून हलके-फुलके विनोद, चारोळी, फोटो, व्हिडिओ आणि मीम्स बनवून सोशल मीडियावर हास्याचं वादळ उठवलंय. या सोशल वादळात राजकीय पुढारी देखील मागे नाहीत. महाराष्ट्राचे माजी मुख्यमंत्री देवेंद्र फडणवीस यांच्या पत्नी अमृत फडणवीस (Amruta Fadanvis) यांनीही शायरी लिहून महाराष्ट्र सरकारला टोला लगावत ठाकरे सरकारवर ताशेरे ओढले आहेत.
या सोशल 'वादळात' राष्ट्रवादी काँग्रेसच्या महिला प्रदेशाध्यक्षा रुपाली चाकणकरांनी (Rupali Chakankar) देखील सरकारची बाजू घेत शायरीच्याच माध्यमातून अमृता फडणवीसांवर जोरदार पलटवार करत चांगलाच समाचार घेतलाय. अमृता फडणवीस यांनी आपल्या ट्विटमध्ये म्हटलं आहे की, "तुफाँ तो इस शहर में अक्सर आता है! देखें अबके किसका नंबर आता है !" अशा आशयाचं ट्विट करुन त्यांनी सरकारवर टीका केलीय.
अमृता फडणवीसांच्या ट्विटला उत्तर देताना राष्ट्रवादी काँग्रेसच्या महिला प्रदेशाध्यक्षा रुपाली चाकणकर यांनी, "तुफां तो इस शहर ने अक्सर झेला है! महाराष्ट्र इसके साथ हमेशा खेला है, साथ मैं हिंदोस्तां को भी संभाला है!" अशा आशयाचे ट्विट करत अमृता फडणवीसांच्या ट्विटला शायरीतून पलटवार केलाय. या त्यांच्या ट्विटची चर्चा सध्या सोशल मीडियावर धुमाकूळ घालत असून चक्रीवादळात हे ट्विटचं वादळ चांगलचं थैमान माजवतंय.
Rupali Chakankar Criticism On Amruta Fadanvis Social Media Cyclone Tauktae
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.