राज्याचे जलसंपदा मंत्री जयंत पाटील यांचं एक ट्विट चांगलचं चर्चेत आलं आहे. इस्त्रायल दुतावासातील अधिकारी कोबी शोशानी (Kobi Shoshani) हे भारतीय चित्रपटांचे चाहते आहेत. त्यांनी जयंत पाटील यांची नुकतीच भेट घेतली. यावेळी शोशांनी यांनी जयंत पाटील यांना दोन बॉलिवूड चित्रपट पाहण्याचा सल्ला दिला. यानंतर जयंत पाटील (Jayant Patil) यांनीही त्यांच्या ट्वीटला उत्तर देत 'अशी ही बनवाबनवी' पाहण्याचा सल्ला दिला. दरम्यान, आता यावरून कॉंग्रेसचे सचिन सावंत यांनी ट्विट करत मोदी सरकारला टोला लगावला आहे.

ट्विटमध्ये सचिन सावंत म्हणतात, जयंत पाटील यांनी ट्विट केलेल्या व्हिडिओतील हा सीन व चित्रपटाचे नाव मोदी सरकारसाठीही चपखल बसणारा आहे. राज्यातील जनता-पेट्रोल डिझेल दरवाढीने कंबर मोडली आहे. आणि मोदी सरकार द काश्मीर फाइल्स बघा, (The Kashmir Files) असे म्हणत आहेत, असा टोला त्यांनी लगावला आहे. आता त्यांच्या या ट्विटमुळे पुन्हा एकदा भाजप आणि कॉंग्रेस वाद वाढणार का अशी शक्यता व्यक्त केली जात आहे.

दरम्यान, जयंत पाटील ट्वीटमध्ये म्हणालेत, तुम्ही सुचवलेले चित्रपट पाहण्यासाठी मी नक्कीच वेळ काढेन. बॉलिवूड चित्रपटांवरील तुमचे प्रेम खरोखरच भुरळ पाडणारं आहे. तुम्ही मराठी चित्रपटदेखील पाहा अशी मी शिफारस करतो असेही ते म्हणाले. या व्हिडिमध्ये इस्रायलचा संदर्भ असल्याचे यावेळी जयंत पाटील त्यांनी सांगितले.