गृहमंत्री दिलीप वळसे पाटील (Home Minister Dilip Walse Patil) यांच्या खासगी सचिवाच्या गाडीतून रोख रकमेसह बॅग चोरीला गेली आहे. या घटनेने फलटणमध्ये खळबळ उडाली असतानाच रयत क्रांती संघटनेते नेते आणि आमदार सदाभाऊ खोत (Sadabhau Khot) यांनी नाव न घेता चोर पण शहाणे झाले आता वसुलीच्या पैशावरतीच डल्ला मारू लागले. असा शालजोडीतून लगावला.

राज्याचे गृहमंत्री दिलीप वळसे पाटील यांचे खासगी सचिव बाबासाहेब शिंदे हे फलटण तालुक्यातील धुळदेव येथे दहा डिसेंबरला एका विवाह सोहळ्यासाठी गेले होते. विवाह सोहळा संपन्न झाल्यानंतर शिंदे हे परत निघाले असता त्यांच्या गाडीची काच फोडल्याचे निदर्शनास आले .त्यांनी गाडीची तपासणी केली असता एक बॅग आणि रोख रक्कम चोरीस गेल्याचे निदर्शनास आले आहे. गृहमंत्र्यांच्याच खासगी सचिवाची बॅग चोरीस गेल्याने फलटण तालुक्यात खळबळ उडाली आहे.

दरम्यान, या घटनेनंतर सदाभाऊ खोत यांनी सूचक ट्विट केले आहे. ते म्हणतात चोर पण शहाणे झाले आता.. वसुलीच्या पैशावरतीच डल्ला मारू लागले.