पुणे - केंद्र सरकारने सहकार खाते निर्माण करून ते केंद्रीय गृहमंत्री अमित शहांकडे सोपवले. यानंतर अमित शहांबाबत राजकीय विरोधकांकडून संशय व्यक्त करण्यात आला. पुण्यात सकाळ महा कॉन्क्लेव्ह या कार्यक्रमात बोलताना शरद पवार यांनी मात्र अमित शहांबाबत विश्वास व्यक्त केला आहे. लोकमान्य मल्टीपर्पज को-ऑप सोसायटी प्रस्तुत सकाळ महा कॉन्क्लेव्ह नागरी व जिल्हा सहकारी पतसंस्थांच्या 3 दिवसीय महापरिषदेत ते बोलत होते.
ते म्हणाले की, सहकार खाते अमित शहांकडे आहे. माझा आणि अमित शहा यांचा संपर्क ते सहकारी बॅंकेचे संचालक असताना आला होता. अनेक वर्ष या क्षेत्रात काम केलेल्या माणसाचा दृष्टीकोन चांगलाच असेल असं मला वाटतंच.
अमित शाह यांच्याशी माझी चर्चा झाली. सहकारी चळवळीसाठी त्यांचे योगदान चांगलं राहील, असं मला वाटतं. अमित शहा यांचं सहकारी बँका संदर्भात धोरण अनुकूल राहील असं मला वाटतं ते अहमदाबाद सहकारी बँकेचे संचालक होते आमच्यासारखे लोक अमित शहा यांच्या पाठीशी उभे राहतील त्यामुळे सहकाऱ्याला कुठलाही धोका निर्माण होणार नाही असेही मत शरद पवार यांनी व्यक्त केलं.
महाराष्ट्रात ६७% गैरव्यवहार सांगितलं गेलं. पण ती रक्कम कमी आहे. याबाबतची माहिती अधिकारात माहिती काढली असल्याचंही पवार म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.