जालना : येथे समर्थ रामदास यांच्या जन्मगावातील राममंदीरातील ऐतिहासीक मूर्ती आज पहाटे चोरीला गेल्याचा प्रकार समोर आला आहे. जवळपास ४५० वर्ष जून्या असलेल्या या पंचधातूच्या मूर्ती चोरीला गेल्याने परिसरात एकच खळबळ माजली असून पोलीस घटनास्थळी दाखल झाले आहेत. समर्थ रामदासांनी स्थापित केलेली राम-लक्ष्मण-सीतेची मूर्ती तसेच ऐतिहासिक पंचायतन देखील चोरीला गेले आहे.

पोलिसांच्या माहितीनुसार समर्थांच्या वडिलोपार्जित तसेच समर्थानी स्थापित केलेल्या मुर्त्या देखील या मंदिरात होत्या त्या चोरीला गेल्या आहेत. पंचायतन म्हणजेच राम-लक्ष्मण, सीता, भरत, शत्रूघ्न यांची मूर्ती देखील चोरीला गेली आहे. अज्ञात चोरट्याने मंदिराची चावी घेऊन या दरवाजा उघडून ही चोरी केली आहे. त्यामुळे चोर जवळपासचाच कुणी आहे का याचा पोलिस शोध घेत आहेत. या तपासात श्वानांची देखील मदत घेण्यात येत आहे.

हे मंदिर जालना जिल्ह्यातील समर्थांच्या जन्मगाव जांब येथील आहे. येथे असलेल्या जून्या राममंदिरात असलेल्या ४५० वर्ष जून्या मूर्ती चोरीला गेल्याने आश्चर्य व्यक्त होत आहे. येथे महाराष्ट्राच्या कानाकोपऱ्यातून भाविक या ठिकाणी येत असतात.