संभाजीराजे छत्रपती यांनी आज संजय राऊत (Sanjay Raut) यांची भेट घेतली आहे. दरम्यान, आता या भेटीवरून संजय राऊत निवासस्थानी खलबंत सुरु असल्याचं बोललं जात आहे. दिल्लीत आल्यावर मी राऊतांना भेटत असतो ही अनौपचारिक भेट असल्याचं त्यांनी यावेळी सांगितलं. यावेळी संभाजीराजे (Sambhajiraje) मराठा आंदोलनाविषयी (Maratha Reservation) म्हणाले, आजही बऱ्याच गोष्टी अडचणीत आहेत. जे पाच मूलभूत प्रश्न महाराष्ट्र शासन सोडवू शकते, ते अजूनही सुटलेले नाहीत. त्यासंदर्भात मराठा संघटना लवकरच निर्णय घेणार आहेत. तो घेतला जाईल आणि त्याप्रमाणेच मी चालतो आहे. याविषयी मुख्यमंत्र्यांनाही (CM Uddhav Thackeray) मी नेहमीच भेटतो त्यांना हा विषय माहीत आहे. याआधीही मी त्यांना याची कल्पना दिली आहे, असेही त्यांनी स्पष्ट केलं.

दरवर्षी मला न चुकता ते जेवायला बोलवतात आणि आज माझी सकाळी येऊन चहा घ्यावा अशी इच्छा झाल्यानं मी आलो आहे बाकी काहीही विषय नाही असेही त्यांनी सांगितले. यावेळी त्यांनी एक किस्सा सांगितला. दिल्लीत हीचे वैशिष्ट्ये असल्याचेही त्यांनी हसत स्पष्ट केले. दरम्यान, आज अचानक संभाजीराजेंनी घेतलेल्या या भेटीमुळे राजकीय वर्तुळात चर्चांना उधाण आलं आहे.