अमरावती : राज्यस्तरीय समरगीत स्पर्धेत अमरावतीच्या कामगार कल्याण केंद्र (गांधी चौक) गट कार्यालय अमरावती संघाने प्रथम क्रमांक पटकावला. "एकच घोष त्रिवार' हे समरगीत या संघाने सादर केले होते.
सोलापूर येथील हुतात्मा स्मृती मंदिर येथे 30 ऑगस्टला राज्यस्तरीय समरगीत स्पर्धा पार पडली. राज्यभरातून 18 समरगीत संघ स्पर्धेत सहभागी झाले होते. स्पर्धेचे परीक्षक दीपक कलढोणे, संतोष कोळाळीकर, स्मिता देशपांडे, महाराष्ट्र कामगार कल्याण मंडळाचे आयुक्त सतीश दाभाडे, सहायक कल्याण आयुक्त घनश्‍याम कुळमेथे, समाधान भोसले यांच्या हस्ते या स्पर्धेचे उद्‌घाटन झाले. त्याच दिवशी सायंकाळी स्पर्धेचा बक्षीस वितरण समारंभ झाला. राज्यमंत्री तथा पालकमंत्री विजय देशमुख, स्पेक्‍ट्रम अकादमी नाशिकचे संचालक सुनील पाटील, सोलापूर इंडस्ट्रीज असोसिएशनचे अध्यक्ष शरदकृष्ण ठाकरे, कामागार कल्याण मंडळाचे आयुक्त सतीश दाभाडे, सहायक आयुक्त घनश्‍याम कुळमेथे व समाधान भोसले या वेळी उपस्थित होते. विजेत्या अमरावतीच्या संघाला मान्यवरांच्या हस्ते बक्षीस देऊन गौरविण्यात आले. यामध्ये केंद्रप्रमुख सचिन खारोडे, संघप्रमुख समर कनकुरे, कलावंत पुरुषोत्तम लोखंडे, यशराज यावले, अक्षय कातोरे, सैराग ठाकरे, तेजस कडू, सतीश जाधव, श्रीकांत सातंगे, अंबादास खंडारे, मनाली पांडे, अदिती रोटे, सुरभी खैरकर, कांचन सदाशिव यांचा समावेश आहे.