मुंबई - मुंबईवरील 26/11 च्या हल्ल्यातील दहशतवादी अजमल कसाब याला जिवंत पकडणारे राष्ट्रपती पदकविजेते पोलिस अधिकारी संजय गोविलकर यांच्याविरोधातील निलंबनाची कारवाई रद्द करून त्यांना सेवेत पुनःस्थापित करण्यात आले आहे. दरम्यान, गोविलकर यांच्या चौकशीचा अहवाल अंतिम टप्प्यात असल्याची माहिती सूत्रांनी दिली.
दाऊद इब्राहिमचा माजी हस्तक सोहेल भामला याच्यासाठी मुंबई पोलिसांनी ‘लुक आउट’नोटीस काढली होती. दुबईतून आलेल्या भामला याला विमानतळ प्राधिकरणाने ताब्यात घेतले होते. प्राथमिक चौकशीनंतर त्याला सोडण्यात आले होते. या प्रकरणात पोलिस निरीक्षक संजय गोविलकर व सहायक पोलिस निरीक्षक जितेश शिंगोटे यांना निलंबित करण्यात आले होते. निलंबनाची कारवाई स्थगित करून या दोघांना पुन्हा रुजू होण्याचे आदेश देण्यात आले आहेत. गुन्हे शाखेने गोविलकर यांची चौकशी करून अहवाल सहपोलिस आयुक्तांना दिला होता. मुंबई पोलिस आयुक्त कार्यालयात आलेला हा चौकशी अहवाल अंतिम टप्प्यात असल्याची माहिती वरिष्ठ सूत्रांनी दिली. 26/११ च्या हल्ल्यावेळी गिरगाव चौपाटीजवळ पोलिस हवालदार तुकाराम ओंबळे आणि गोविलकर यांनी कसाबला जिवंत पकडण्यासाठी शर्थीचे प्रयत्न केले होते. कसाबने केलेल्या गोळीबारात ओंबळे हुतात्मा झाले; मात्र गोविलकर आणि अन्य पोलिस अधिकाऱ्याने इस्माईल खान या दहशतवाद्याला टिपले होते. या कामगिरीबद्दल गोविलकर यांना राष्ट्रपती पोलिस पदकाने सन्मानित करण्यात आले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.