sanjay rathod e sakal
महाराष्ट्र बातम्या

संजय राठोड पुन्हा मंत्रिमंडळात? शिवसेना मंत्र्याचं सूचक विधान

सकाळ डिजिटल टीम

मुंबई : संजय राठोड (sanjay rathod) यांनी पूजा चव्हाण आत्महत्याप्रकरणी (puja chavan suicide case) वन मंत्रिपदाचा राजीनामा दिला होता. आता त्यांचीच पुन्हा मंत्रिमंडळात वापसी होण्याची शक्यता आहे. कारण, शिवसेना मंत्री उदय सामंत (minister uday samant) यांनीच तसे संकेत दिले आहेत. त्यामुळे संजय राठोड हे पुन्हा मंत्री होणार का? यावरून राजकीय वर्तुळात चांगलीच चर्चा रंगली आहे. (sanjay rathod may returned in maharashtra cabinet says uday samant)

उच्च व तंत्रशिक्षण मंत्री संजय राठोड हे सध्या विदर्भाच्या दौऱ्यावर आहेत. त्यांनी शुक्रवारी वर्धा आणि यवतमाळ जिल्ह्याला भेट दिली. त्यानंतर त्यांना राठोडांबद्दल प्रश्न विचारण्यात आला. यावेळी त्यांनी सूचक विधान केलं. त्यांची कार्यपद्धती पाहता त्यांच्यासारख्या नेत्याची गरज असल्याचे ते म्हणाले. त्यामुळे आता राठोड पुन्हा मंत्रिमंडळात येणार का? अशी चर्चा रंगली आहे.

गेल्या ८ फेब्रुवारीला पूजा चव्हाण या २२ वर्षीय तरुणीने पुण्यातील एका सोसायटीमध्ये आत्महत्या केली होती. त्यानंतर पुजाच्या ऑडिओ क्लीप देखील व्हायरल झाल्या होत्या. त्यात संजय राठोड यांचे नाव असल्याची चर्चा होती. त्यावेळी राठोडांनी देखील चुप्पी साधली होती. मात्र, एक दोन दिवसाआड पुजाच्या ऑडिओ क्लीप व्हायरल झाल्या होत्या. त्यामुळे विरोधक भाजपने सत्ताधारी महाविकास आघाडीवर चांगलाच हल्लाबोल चढवला. शेवटी संजय राठोड यांना मंत्रिपदाचा राजीनामा द्यावा लागला. आता त्यांना पुन्हा मंत्रिमंडळात घेण्याच्या हालचाली दिसत आहेत. त्यामुळे भाजपने पुन्हा एकदा त्यांना सरकार आणि शिवसेनेवर निशाणा साधला आहे.

अद्यापही वनमंत्री पद खालीच -

संजय राठोड यांनी राजीनामा दिल्यानंतर वनमंत्री पद अद्यापही खालीच आहे. हे मंत्रिपद दुसऱ्या कुठल्या आमदाराला देण्याबाबत अद्याप शिवसेनेकडून कुठलंही वक्तव्य करण्यात आलं नाही. आता उदय सामंत यांच्या संकेतानुसार जर मंत्रिमंडळात संजय राठोड यांची वर्णी लागली तर त्यांना वनमंत्री पदच देण्यात येईल का? असाही प्रश्न उपस्थित केला जातोय.

चंद्रकांत पाटील आक्रमक -

संजय राठोड पुन्हा मंत्रिमंडळात येतील, अशी चर्चा रंगताच भाजप प्रदेशाध्यक्ष चंद्रकांत पाटील आक्रमक झाले आहेत. पूजा चव्हाण मृत्यूप्रकरणी चर्चेत आलेले माजी मंत्री संजय राठोड यांना महाविकास आघाडी सरकारनं पुन्हा मंत्रिमंडळात घेतल्यास आंदोलन छेडण्यात येईल, असा इशाराच त्यांनी राज्य शासनाला दिला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

आळंदीत इंद्रायणीच्या घाटावर छटपूजा; उत्तर भारतीयांची मोठी गर्दी

Maharashtra Crime: कीर्तन करून मठात परतले, सकाळी खोलीत आढळला महाराजांचा मृतदेह; मोबाईल गायब असल्याने गूढ वाढले, नेमकं काय घडलं?

Latest Marathi News Update : आंबे येथील विहीर दुर्घटनेतील चौघांचे मृतदेह सापडले; 24 तासानंतर शोध मोहीम समाप्त

Sunil Tatkare Controversy : महायुतीत वादाची ठिणगी? दळवींच्या वक्तव्याशी शिवसेनेचा संबंध नाही, तटकरेंवरील टीकेनंतर एकनाथ शिंदेंनी दिली समज; उदय सामंत यांचं मोठं विधान

Nagpur Air Pollution: पंचमीच्या फटाक्यांनी नागपूरचा श्वास कोंडला ; रामनगर, महालची हवा सर्वाधिक दूषित; पीएम २.५ चे प्रमाण ४३६ वर

SCROLL FOR NEXT