मुंबई : संजय राऊत यांनी पत्रकार परिषद घेऊन मोठमोठे खुलासे केले आहेत. या पत्रकार परिषदेत त्यांनी किरिट सोमय्या यांच्यासह भाजपाच्या अनेकांवर आरोेप केले आहेत. त्यांच्या या आरोपावर विरोधीपक्षनेते देवेंद्र फडणवीस (Devendra Fadanvis) यांनी आपली प्रतिक्रिया व्यक्त केली आहे. (Sanjay Raut Conference)

आरोप करताना राऊत म्हणाले की, तुम्ही कितीही करा आम्ही झुकणार नाही अशा शब्दात त्यांनी विरोधकांना सुनावले आहे. त्याचबरोबर कोणत्याही परिस्थिती महाराष्ट्रात ठाकरे सरकार राहणार असा विश्वासही त्यांनी दाखवला आहे. हा फक्त ट्रेलर होता, पिक्चर अभी बाकी है. अशा शब्दात त्यांना टीका केली आहे. त्यांच्या या पत्रकार परिषदेला उत्तर देताना भाजपाचे नेते आणि विरोधीपक्षनेते देवेंद्र फडणवीस यांनी फक्त पाच शब्दात आपली प्रतिक्रिया व्यक्त केली आहे.

''योग्य वेळी योग्य ऊत्तर मिळेल...'' अशा शब्दात फडणवीस यांनी आपली प्रतिक्रिया व्यक्त केली आहे. राऊतांच्या या आरोपावर भाजपाचे काय ऊत्तर असेल हे पहावे लागणार आहे.

पत्रकार परिषदेत बोलताना राऊत म्हणाले की, हा छत्रपती शिवाजी महाराजांचा महाराष्ट्र आहे. तुम्ही कितीही केलं तरी आम्ही झुकणार नाही. महाराष्ट्रात ठाकरेे सरकार राहील. 2024 मध्ये महाराष्ट्रात बदल होतील असा दावाही त्यांनी यादरम्यान केला. येत्या काळात लवकरच व्हिडिओ आणि कागदपत्रे समोर आणेन असाही दावा त्यांनी केला आहे.