शिवसेना खासदार संजय राऊतांनी पुन्हा एकदा उपमुख्यमंत्री देवेंद्र फडणवीसांवर निशाणा साधला आहे. मिस्टर फडणवीस असं म्हणत राऊतांनी फडणवीसांविरोधात आता शड्डू ठोकला आहे. तसंच हे सरकार अंतर्गत कलहामुळे पडणार, अशी भविष्यवाणीही राऊतांनी केली आहे.

शिंदे फडणवीस सरकार जास्त काळ टिकणार नाही, असं सांगत संजय राऊत म्हणाले की, आम्ही भाजपा सरकारसारखं करणार नाही. अकरा दिवसात सरकार पडेल, एवढ्या दिवसात सरकार पडेल. आम्ही तारखाही देणार नाही. त्यावेळी त्यांच्या पिपाण्या वाजत होत्या. त्यांना जे काही पिपाण्या, सनई चौघडे वाजवायचेत ते वाजवू द्यात. पण हे सरकार मजबूत राहणार नाही. हे सरकार अंतर्गत कलहाने पडेल.

सरकार स्थापन करण्याचा सल्लाही राऊतांनी या दोघांना दिला आहे. राऊत म्हणाले, आधी सरकार चालवा, सांभाळा आणि त्याआधी म्हणजे स्थापन करा. एक महिना झाला तरी हम दोनो, एक दुजे के लिए चाललंय. किती वेळा दिल्लीला जाणार?