नाना पटोलेंच्या वकीलांवर झालेल्या कारवाईनंतर शिवसेना खासदार संजय राऊत यांनी भाजप आणि केंद्रीय यंत्रणांवर टीका केली. जे व्हिसस ब्लोअर आहेत, त्यांच्यावर कारवाई होतेय. कारवाई हा आता चिंतेचा नाही तर गमतीचा विषय झालाय असं राऊत यांनी म्हटलं आहे. नागपुरातून मला काही पत्रकार, वकील यांचे मला फोन आले. भविष्यात नाना पटोलेंवर जरी धाड पडली तर आश्चर्य वाटणार नाही असं संजय राऊत म्हणाले. चोर बाजारातील तराजू म्हटल्यावर टीका झाली, मात्र न्यायाचा तराजू एका बाजूला झुकलेला दिसतोय. केंद्रीय यंत्रणांचा वापर गुंडांसारखा होत असेल, तर हे संघराज्य व्यवस्थेला धोका आहे असं राऊत म्हणाले.

भाजपला पुर्ण बहुमत मिळालं नाही, तर एनडीए तयार होईल. मात्र २४ ला जर बहुमत मिळालं नाही तर एनडीए तयार होईल. सध्यात त्यांच्याकडे बहुमत असल्याने एनडीए भंगारात काढली असं राऊत म्हणाले.

युपीएच्या नेतृत्वासाठी काँग्रेसने स्वत: पुढाकार घेऊन निर्णय घ्यावा, मात्र काँग्रेस तसं करताना दिसत नाही अशी खंत त्यांनी व्यक्त केली. एनडीएमधून बाहेर पडलेल्या सर्व पक्षांची चर्चा सुरु आहे. पाच राज्यांच्या निकालानंतर काँग्रेसनं युपीएच्या जीर्णोद्धाराची तयारी करायला हवी, मात्र तशी कोणत्याच हालचाली होताना दिसत नाहीये असं राऊत म्हणाले.