सोशल मीडियावर सध्या एक व्हिडीओ व्हायरल होत आहे. या व्हिडीओमध्ये एक वृद्ध शेतकरी बच्चू कडूंना सुनावताना दिसत आहे. खासदार संजय राऊत यांनीही हा व्हिडीओ शेअर केला आहे. यासोबत त्यांनी एक शेरही ट्वीट केला आहे.

या वृद्ध शेतकऱ्याचा व्हिडीओ ट्वीट करताना संजय राऊत म्हणतात, "तुमने बेवफाई की वफ़ा का नाम लेकर। हम वफादार बने रहे बेवफा का इल्ज़ाम सेह कर। तुम आंखे नहीं मिला सकते हमारा सबकुछ छीनकर। हम सर उठाकर चल सकते है सब कुछ छोड़ कर ।"

काय आहे या व्हिडीओमध्ये?

बच्चू कडूंना ज्या आशेने निवडून दिलं, तसा तो वागत नाही. तो डाकूबरोबर गेला, देवेंद्र आणि शिंदेबरोबर गेला. हे जे काय चाललंय ते योग्य नाही, घटनाबाह्य आहे, असं एक वृद्ध शेतकरी म्हणत आहे. या शेतकऱ्याने बच्चू कडू यांना रस्त्यात आडवत सुनावलं. यावर बच्चू कडू यांनी शांतपणे या शेतकऱ्याचं म्हणणं ऐकून घेतलं मात्र, उत्तर दिलं नाही.