पाटण : कोयना धरण (Koyna Dam) पाणलोट क्षेत्रात काल (सोमवार) दुपारी बारा वाजल्यापासून पावसाचा जोर (Rain Update) वाढला आहे. कोयना धरण ७० टक्के भरले असून, जलाशयाचा एकूण पाणीसाठा ७२.८१ टीएमसी झाला आहे.

जलाशयात प्रतिसेकंद १८ हजार १९८ क्युसेक पाण्याची आवक होत आहे. गेल्या २४ तासांत कोयनानगर येथे ७९ मिलिमीटर, नवजाला १५४ मिलिमीटर आणि महाबळेश्वरला (Mahabaleshwar) ९८ मिलिमीटर पावसाची नोंद झाली आहे.

सलग तीन दिवस पावसाने थोडी उसंत घेतली होती. मात्र, काल दुपारी बारा वाजता पुन्हा मुसळधार पावसाच्या सरी कोसळत आहेत. दुपारी बारा वाजल्यापासून सायंकाळपर्यंत पावसाने विश्रांती घेतली नव्हती.