कोल्हापूर : माजी आमदार किरीट सोमय्या (Kirit Somaiya) यांनी ग्रामविकासमंत्री हसन मुश्रीफ (Hasan Mushrif) यांच्यावरील सर्व आरोप निराधार आहेत. त्यांची बदनामी करण्यासाठी त्यांना टार्गेट केले जात आहे. विनाकारण बदनाम करण्याचा सोमय्या यांचा प्रयत्न आम्ही हाणून पाडल्याशिवाय राहणार नाही. आम्ही मुश्रीफ यांच्या मागे खंबीरपणे उभे असल्याचा इशारा पालकमंत्री सतेज पाटील (Satej Patil) यांनी आज दिला. गोकुळच्या वार्षिक सभेनंतर त्यांनी पत्रकारांशी संवाद साधला.

पाटील म्हणाले, सरकार अस्थिर करण्यासाठी हे काम सुरु आहे. सरकार अस्थिर होणार नाही. मुश्रीफ यांनी त्याचा खुलासा दिलेला आहे. तरीही, सोमय्या कोल्हापूरमध्ये का येत आहेत, हे समजत नाही. सोमय्या यांना विनंती आहे की कोल्हापूर जिल्ह्यातील कायदा सुव्यवस्था राखण्यासाठी त्यांनी कोल्हापूरमध्ये येवू नये. दरम्यान सोमय्या यांनी केलेले सर्व आरोप निराधार आहेत. हे कालांतराने समोर येईल.