सत्तासंघर्षानंतर शिवसेनेचे युवा नेते आदित्य ठाकरे यांनी पुन्हा पक्षबांधणीसाठी आक्रमक भूमिका घेतली आहे. त्यांच्या याच भूमिकेवर एक गाणं बनविण्यात आलं आहे. अन्यायाविरुद्ध लढणारा शिवसेनेचा युवराज असे शब्द या गाण्यात आहेत. (Senecha Yuvraj Another ShivSena song launch Aditya Thackeray maharashtra politics )

आगामी निवडणूकांसाठी रणनिती आखण्यात आणि राज्यात दौर्‍यांचा धडाका लावत शिंदे-फडणवीस सरकार वर टीकास्त्र डागण्यात आदित्य ठाकरे अग्रेसर दिसत आहेत. त्यांच्या याच नव्या अंदाजावर आता शिवसेनेकडून 'सेनेचा युवराज' हे नवं गाणं लॉन्च करण्यात आलं आहे. या गाण्याला मनिष राजगिरे आणि शमिका भिडे यांचा आवाज आहे. शिवसेना अंधेरी पश्चिम विधानसभेचे संघटक संजय कदम यांनी हे गीत तयार केले आहे.

च शिवसेनेत मोठी फूट पडल्यानंतर शिंदे गटानेही मुख्यमंत्री एकनाथ शिंदें यांच्यावरील गाणं लाँच केलं. अनाथांचा नाथ... लोकनाथ असे म्हणत शिंदे गटाचेही गाणे लाँच झाले. आता, आदित्य ठाकरे यांच्यावर नवं गाण आले आहे.

शिवसेनेतील बंडाळीनंतर आदित्य ठाकरेंनी मोर्चा हाती घेतल्याचं दिसून आलं. विविध संवाद यात्रांमधून जनतेला आदित्य ठाकरे संबोधित करताना दिसत आहेत. आदित्य ठाकरेंच्या नेतृत्वाचं गुण गाणारं हे गाणं लाँच करण्यात आलं आहे.

'शिवसेनेचा युवराज' असे शीर्षक असलेल्या या गीताचे आज लॉन्चिंग करण्यात आले. माजी केंद्रीय मंत्री अनंत गीते यांच्या हस्ते अंधेरी पश्चिमेकडील एका विशेष कार्यक्रमात हे गाणे लाँच झाले. माजी केंद्रीय मंत्री अनिल परब यांचे निकटवर्तीय असलेल्या शिवसेना अंधेरी पश्चिम विधानसभेचे संघटक संजय कदम यांनी हे गीत तयार केले आहे.

अंधेरी पूर्व विधानसभा पोटनिवडणुकीच्या एक दिवस अगोदर हे गाणे लॉन्च करण्यात आले आहे. मुंबई महापालिका निवडणुकीसाठी आदित्य ठाकरेंचा चेहरा समोर करत हे प्रचार गीत शिवसैनिकांमध्ये नवा जोश, नवा उत्साह भरु शकते.