मुंबई - देशात विरोधकांनी स्थापन केलेल्या इंडिया आघाडीची बैठक नुकतीच मुंबईत पार पडली. या बैठकीत, काँग्रेस नेते राहुल गांधी यांनी जातनिहाय जनगणना करण्याच्या मागणीचा मुद्दा उपस्थित केला आहे. तर बिहारमध्ये आधीच सर्वोच्च न्यायालयाने जातनिहाय जनगणनेला होकार दिला आहे. त्यातच आता महाराष्ट्रातही जातनिहाय जनगणनेचा मुद्दा समोर आला आहे.

राष्ट्रवादी काँग्रेसचे प्रमुख शरद पवार यांनी जातनिहाय जनगणना करण्याची मागणी केली आहे. पवार यांनी आज जालन्यात मराठा आरक्षणासाठी उपोषणाला बसलेल्या आंदोलकांची भेट घेतली. या आंदोलकांवर शुक्रवारी पोलिसांनी मोठ्या प्रमाणात लाठीचार्ज केला होता.

शरद पवार मराठा आरक्षणाच्या मुद्दावर बोलताना म्हणाले की, आरक्षणाची मर्यादा ५० टक्क्यांच्या वर वाढविण्याची गरज आहे. तेव्हाच मराठा समाजाचा आरक्षणाचा मार्ग मोकळा होऊ शकतो. त्याचवेळी देशात जातनिहाय जनगणना करण्याची मागणी त्यांनी केली.

शरद पवार यांनी यावेळी आक्रमक भूमिका घेताना झालेल्या लाठीचार्जवरून गृहमंत्री देवेंद्र फडणवीस यांनी राजीनामा द्यायला हवा.