Mumbai News - देशातील विरोधी पक्षांनी एकत्र येत इंडिया आघाडी स्थापन केली. या आघाडीची बैठक मुंबईत ३१ ऑगस्ट आणि २ सप्टेंबर रोजी सुरू आहे. त्याचवेळी आज राज्यात महायुतीची बैठक आयोजित करण्यात आली.

यावेळी राष्ट्रवादी काँग्रेसच्या अजित पवार गटाचे खासदार सुनील तटकरे यांनी थेट काँग्रेस अध्यक्ष खरगे यांच्या आडून राष्ट्रवादी काँग्रेसचे प्रमुख शरद पवार यांच्यावर टीका केली आहे.

सुनील तटकरे म्हणाले की, अजितदादांच्या नेतृत्वात एक नवा विचार घेऊन देशभरात काम.करण्याचे निर्णय घेतला. आपल्या सर्वांना जमण्यास काहीसा उशीर झाला आहे. आपले उद्दिष्ट 48 - 0 आहे. यापुढे असच एकत्र येत राहू.

चांद्रयान-३ मोहिमेच्या यशावर तटकरे म्हणाले की, त्या दिवशी मी काँग्रेस अध्यक्ष मल्लिकार्जुन खरगे यांची मुलाखत पाहिली. त्यात त्यांनी सरकारचं कौचुक करायला हवं होतं. मात्र त्यांनी नेहरूंचं कौतुक केलं. बांगलादेशची निर्मिती करताना वाजपेयी साहेबांनी कौतुक केलं होतं. राजीव गांधींनी संगणक युग आणले, त्याला कुणी विरोध केला नाही.

वास्तविक राष्ट्रवादी काँग्रेसचे प्रमुख शरद पवार यांनी देखील चांद्रयान मोहिमेच्या यशासाठी नेहरुंचे योगदान महत्त्वपूर्ण असल्याचं म्हटलं. दरम्यान तटकरे यांनी खरगे यांचं नाव घेऊन शरद पवार यांच्यावरच निशाणा साधल्याचं दिसून आलं.

दरम्यान आता एकत्रितपणे काम करावं लागेल. आम्ही विरोधात लढलो तो इतिहास झाला. कुणाच्या पदरात काय पडणार यापेक्षा राज्याच्या विकासाचा व्यापक विचार केला पाहिजे. फक्त लोकसभा नाही तर विधान सभा सुद्धा एकत्र लढून जास्त जागा जिंकण्याचा संकल्प करू, असंही तटकरे यांनी नमूद केलं. (Latest Marathi News)