सध्या राज्यात सुरू असलेल्या सत्तानाट्याची सुरवात तब्बल 380 दिवसांपूर्वी झाली होती अशी खळबळजनक माहिती समोर येत आहे. एकनाथ शिंदे यांनी जेव्हा 16 आमदारांसह सुरतला गेले, त्या 20 तारखेच्या मध्यरात्री आमदारांच्या प्रवासाची इत्यंभूत माहिती राज्याच्या गुप्तचर खात्याने तत्कालीन गृहमंत्री दिलीप वळसे पाटील यांना दिली होती. पण त्यानंतरही एकनाथ शिंदे आपल्या 16 समर्थक आमदार यांच्यासह महाराष्ट्रचं नाही तर पुढे गुवाहाटी मार्गे आधी गोवा त्यानंतर महाराष्ट्र राज्याचे मंत्री असा प्रवास पुर्ण झाला. (Latest Marathi News)

जर एकनाथ शिंदे यांची संपुर्ण माहीती तत्कालीन गृहमंत्री दिलीप वळसे पाटील यांना राज्याच्या गुप्तचर खात्याने दिली होती. तर तत्कालीन मुख्यमंत्री उद्धव ठाकरे, राष्ट्रवादीचे अध्यक्ष शरद पवार यांच्यापासून लपवली का? आणि लपवली असेल तर का लपवली, की त्यांना कोणी ती माहिती लपवायला सांगितली होती, असे अनेक प्रश्न सध्या उपस्थित होत आहेत.(Latest Marathi News)

या संपूर्ण घटनेवर बोलताना राष्ट्रवादीचे नेते आणि आमदार जितेंद्र आव्हाड यांनी तत्कालीन गृहमंत्री दिलीप वळसे पाटील यांच्या हेतुवर शंका उपस्थित केली आहे. आव्हाड बोलताना म्हणाले की. मला शंका येत आहे की, त्यांना सर्व माहिती होतं. एकनाथ शिंदे यांच्या बंडावेळी लागणारी मदत तत्कालीन गृहमंत्री दिलीप वळसे पाटील यांनी केली असेल. त्यांनी काय केलं त्यांच्या मनाला माहिती, पोलिस संपूर्ण माहिती गृहमंत्र्यांना देत असतात, इतकी मोठी माहीती पोलिस लपवणार नाहीत असंही आव्हाड म्हणालेत.(Latest Marathi News)

दिलीप वळसे पाटील शरद पवारांच्या जवळचे

राष्ट्रवादी काँग्रेसचे अनुभवी नेते दिलीप वळसे पाटील यांनी राष्ट्रवादी काँग्रेसचे अध्यक्ष शरद पवार यांच्या स्वीय सहाय्यक पदापासून तर अनेक कॅबिनेट मंत्रिपदांपर्यंत जबाबदाऱ्या पार पाडल्या आहेत. याच वळसे पाटलांनी आज शरद पवारांचे भाषण वाचून दाखवले आहे. दिलीप वळसे पाटील हे शरद पवार यांचे एकनिष्ठ नेते म्हणून ओळखले जातात. परंतु त्यांनी इतकी महत्वाची माहिती लपवल्याच्या चर्चेमुळे राजकीय वर्तुळात खळबळ उडाली आहे.(Latest Marathi News)