मुंबई : आमच्यावर सरकारचे खूप प्रेम आहे  अशी आम्हाला सवय आहे, असा टोला शर्मिला ठाकरे यानी सरकारला लगावला आहे.

शर्मिला ठाकरे म्हणाल्या, की कोहिनूर मिल विक्रीप्रकरण जुने आहे. 2008 ला आम्ही या व्यवहारातून बाहेर पडलोय. आम्हाला अश्‍या नोटीस येत असतात. आमच्यावर सरकारच खूप प्रेम आहे. ईडी, सीबीआय ची आम्हाला सवय आहे. दबावात ठेवण्याचा हा प्रयत्न आहे. पण माझा नवरा घाबरणारा नाही हे दबावतंत्र आहे. 

कोहिनूर मिलप्रकरणी ईडीने राज ठाकरे आणि माजी मुख्यमंत्री मनोहर जोशी यांचे पुत्र उन्मेश जोशी यांना नोटीस बजावली आहे. या नोटीशीनंतर राजकारणात पुन्हा एकदा जोरदार चर्चा रंगली आहे. विरोधी पक्षांनी तर सरकारला धारेवर धरले आहे. या सर्व मुद्यावर शर्मिला ठाकरे यांच्याशी संपर्क साधला असता त्या म्हणाल्या, "ईडी, सीबीआयची आम्हाला सवय आहे. निवडणुकाजवळ आल्यात माझ्या नवऱ्याला बिझी ठेवण्याचा प्रयत्न आहे. राज ठाकरे यांना बोलावलं नक्की जाणार, पेपर सगळे त्यांना देऊ. 

डोळे मिटून दूध पिणारे मांजर आहे भाजप. ज्या पद्धतीने भाजप विरोधकांवर तुटून पडलेत त्यांच्यावर नेहमीच हा गळ आहे एडीचा अर्थ आम्हाला माहीत नसेल अस त्यांना वाटत असेल तर मग आम्ही अनाडी आहोत ? असा सवालही शर्मिला यांनी यावेळी केला.