रविवारी रात्री कळवा आणि ठाणे शहराला जोडणाऱ्या कळवा-खाडी पुलाचे उद्घाटन झाले. यावेळी मुख्यमंत्री एकनाथ शिंदे, खासदार श्रीकांत शिंदे, आमदार जितेंद्र आव्हाड उपस्थित होते. या कार्यक्रमादरम्यान आमदार जितेंद्र आव्हाड यांनी विनयभंग केल्याचा आरोप एका महिलेने केला होता. त्यामुळं आव्हाडांना प्रचंड टीकेला सामोरो जावे लागले.

हेही वाचा- Gautami Patil Lavani: गौतमीची लावणी कुठे चुकतेय?

त्यामुळं राष्ट्रवादीतून बड्या नेत्यांनी आव्हाडांचे समर्थन केले. या प्रकरणावर राष्ट्रवादीचे जेष्ठ नेते आणि खासदार सुनील तटकरे (Sunil Tatkare) यांनी शिंदे-फडणवीस सरकारवर टीका केली आहे. एका वृत्त वाहिनीशी बोलताना ते म्हणाले की "विरोधी पक्ष राज्यातील आणि देशातील सक्षमच असला पाहिजे, कोणीही सत्तेचा ताम्रपट घेवून आलेला नसतो" तर आव्हाडांच्या प्रकरणावर बोलताना म्हणाले "मुख्यमंत्र्यांच्या समोर घडलेल्या प्रकारावर, पोलिसांनी केलेली कारवाई ही सूडाची भावना आहे." (Eknath Shinde, Devendra Fadnavis)

"परंतु असं कृत्य केलेले मंत्री या सरकारमध्येच आहेत. परंतु त्यांच्यावर कोणतीही कारवाई होत नाही", पुढं म्हणाले " बहुमतातील सरकार पहिल्यांदाच अस्थिर असलेले पाहिला मिळतंय. अलीकडच्या काळात पोलिसांकडून होत असलेल्या कारवाई त्याच बरोबर सरकार मधील जबाबदार मंत्री महिलांवर करत असलेले बेजबाबदार वक्तव्य हे पाहिल्यानंतर या सरकारची अस्थिरतेकडे वाटचाल आहे. हे पाहता राज्यात मध्यावर्ती निवडणूका लागू शकतात" असं मत त्यांनी व्यक्त केल.