Sanjay Shirsat News: शिवसेनेतून एकनाथ शिंदे यांनी बंड करत राज्यात नवं सरकार स्थापन केलं. मागील तीन वर्षात हे महाराष्ट्राने पाहिलेलं हे तिसरं सरकार आहे.

मात्र आता राजकारण तापलं आहे हे अजित पवार आणि देवेंद्र फडणवीस यांनी घेतलेल्या पहाटेच्या शपथविधी वरून देवेंद्र फडणवीस यांनी मागील काही दिवसांपुर्वी एक गौप्यस्फोट केला होता. ते म्हणाले होते की, पहाटेच्या शपथ विधीमागे खुद्द शरद पवारांचा हात होता.

मात्र आता या प्रकरणात मोठा खुलासा शिंदे गटाकडून करण्यात आला आहे. शिंदे गटाचे आमदार संजय शिरसाट यांनी मोठा गौप्यस्फोट केला आहे.

ते म्हणाले की, "संजय राऊत यांनीच उद्धव ठाकरे यांना अडचणीत आणलं आहे, तर अजित पवारांच्या पहाटेच्या शपथविधीची माहिती शरद पवार यांच्यासोबतच संजय राऊत यांना देखील माहित होती.

त्यावेळी सांगण्यात आलं की जर हे थांबवायचं असेल तर उद्धव ठाकरे यांनाच मुख्यमंत्री व्हाव लागेल. उद्धव ठाकरे यांची मुख्यमंत्री पदाची इच्छा नसताना देखील त्यांना मुख्यमंत्री करण्यात आलं आणि त्यावेळी एकनाथ शिंदे यांची मुख्यमंत्री पदाची संधी हुकली

. असा गौप्यास्फोट संजय शिरसाट यांनी केला आहे.